1
Acep bu derdümün dermanı yok mı
Ya bu sabr itmegün oranı yok mı
Yanaram mumlayın başdan ayaga
Nedür bu yanmagın pâyânı yok mı
Güler düşmen benüm agladuguma
Aceb şol kâfirün imânı yok mı
Delipdür cigerümü gamzen okı
Ara yürekde gör peykânı yok mı
Su gibi kanumu toprağa kardun
Ne sanursın garîbün kanı yok mı
Cemal-hüsnüne mağrûr olursun
Kemâl-i hüsnün noksânı yok mı
Begüm Dehhânî'ye ölmezden öndin
Topuna irmegün imkânı yok mı
Yorumlar