Cihâna aşk ile geldüm ne mâlum ne menâlüm var
Kanâ'at gencine kani' olalı hoşça hâlum var
Gerekmez zerrece zâhid cihânun mihr ile mâhı
Benüm bir yüzi gün alnı kamer kaşı hilâlüm var
Dehânun sırrına yokdur sözüm kim zerrece cânâ
Miyânun vasfın etmekde velî ince hayâlüm var
Efendim sana lâyık candan özge nesne yok ammâ
Eşigün itlerine kâse-i serden sifâlüm var
Kaba-yi atlas-ı çarha degişmem Tanrı hakkıyçün
Bu gün egnümde rindâne Figânî köhne şâlum var
Yorumlar